RAMIT A PARA PASIENTE, MAUS-USAREN ITI RHU-CABUGAO

Cabugao, Ilocos Sur – Maus-usaren dagiti napataud a ramit iti Rural Health Unit (RHU)-LGU Cabugao a kas iti Cane, Crutches ken Wheelchair nga usaren  dagiti pasiente nga agkasapulan ti tarabay  iti yuumayda a panagpaagas iti Balay Pagagasan ti ili nangruna iti aldaw ti Lunes agingga iti Biyernes ti kada lawas.

Kabayatanna, malaksid iti inaldaw a panagagas dagiti Medical Personnel (Doktor, Nurse, Midwives, Dentist ken RN-Heals) iti Rural Health Unit-Cabugao ket maar-aramid ti panagtignay ti sanga ti serbisio ti Salun-at  kadagiti 33 a barangay ti ili a Cabugao, Ilocos Sur iti inaldaw.

Kanaig daytoy, regular iti panagbisita dagiti pannakabagi ti Provincial Health Office ken iti  Department of Health (DOH) iti RHU-Cabugao pakaseknan iti panangtarabayda kadagiti programa ti Community  Health Team (CHT)-Kalusugan Pangkalahatan ken RH-Heals   iti  kada  Barangay. 

Naammuan pay  iti Opisina ti RHU nga ar-aramiden dagiti pannakabagi ti CHT Team iti pagrebbenganda ket dagiti nagapuananda ket mapagkaykaysa iti reportda a maited iti RHU-Cabugao para iti pannakainayon ken pakaammuan ti Municipal Health Office (MHO-Cabugao)  nga idauluan ni Dr. Bernardino P. De Gracia III, Municipal Health Officer iti kasasaad dagiti kakaduada ken pagdurdur-asan ti trabahoda iti benneg ti salun-at kadagiti barangay.

Dagitoy nga aksion ken inisiatiba ket  gubuay iti napintas a koordinasion dagiti maseknan nga Opisina/Ahensia  iti salinong ti LGU-Cabugao nga idauluan ni Mayor Edgardo ”Ediboy” S. Cobangbang, Jr.  para iti agtultuloy a pannakaitandudo  ti  kasasaad  ti salun-at dagiti umili ti Cabugao, Ilocos Sur. # (Web In-Action)