Inaplikaran ti Bungro FA ti proyekto nga itden ti Rice-Based Farming Systems in Rainfed Lowland Areas ti DA-RFU 1 babaen ti suporta ken pannarabay ti LGU-Cabugao nga idauluan ni Mayor Edgardo “Ediboy” S. Cobangbang, Jr.
Hybrid Yellow Corn ti immula ti FA iti 2nd Crop (Nobiembre 2012-March 2013).
Naaramid ti programa sakbay ti Accomplishment Review ken Dialogue kadagiti Benepisiario. Opening Prayer ni Mrs. Ester P. Aguimbag, AT. Nag-Welcome Remarks ni Mr. Nereo S. Daproza, AT. Acknowledgment & Presentation of Participants ti binagi ni Municipal Agriculturist Zenaida S. Andrada.
Iti Presentation of Results ti Hybrid Corn Production ni Bungro FA President Edy L. Sevilleja, natakuatan a gimmanansia ti asosasion nupay naikagumaananda a pinataud ti danum iti bubon a pinagmantenerda babaen iti ultimo-remedio a wagas babaen ti tulong ti DA-RFU 1.
Panagraem ti kabaelan ti FA a namagballigi itoy a proyekto ti kaipapanan dagiti mensahe da Ms. Wilma Ibea, Assistant Center Chief, Ilocos Norte Provincial Center, DA; Mr. Constante Butacion, pannakabagi ni Provincial Agriculturist Teofilo R. Quintal, OPAG-Ilocos Sur; Mrs. Edith Estacio, Sr. Agriculturist, ILIARC, Bacnotan, La Union; dagiti pannakabagi ti Philrice-Batac ken DA-INPC. Dinakamatda pay ken pinagyamananda iti naregget a suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti benneg ti Agrikultura.
Pinagyamanan met ni SBM Benedicto M. Savellano, Committee Chair on Agriculture iti agtultuloy a panangikumit ti DA-RFU 1 ken Philrice ti pannakasustener ti proyektoda ditoy Cabugao.
Naaramid ti Hand-over of loan/seed money repayment ti Bungro FA Officers/Members kadagiti Opisiales ti DA-RFU 1. Nupay kasta, naisaganad met laeng ti Acceptance & Re-awarding iti Bungro FA ti seed money nga aggatad ti P150,000 para iti roll-over projects ken iti expansion ti asosasion.
Inangay ni Mr. Edwin Joseph A. Franco, Site Implementer, ti pannakatulag ti sumaruno a proyekto ken aktibidades ti asosasion para iti umay a Wet Season 2013 (Hunio-Nobiembre).
Kalpasan ti naballigi nga Open Forum, nagsasanguan dagiti nagpartisipar iti naisagana a pangngaldaw iti disso ti nagprogramaanda iti Barangay Bungro Chapel.
Kabayatanna, naangay ti Corn-Livestock Integrated Farming System Training iti dua nga aldaw (idi Mayo 22-23, 2013) iti Barangay Bungro, Cabugao, Ilocos Sur a nagpartisiparan dagiti kameng ti Bungro Farmer’s Association nga idauluan ni Mr. Edy L. Sevilleja, Presidente ken iti Pug-os Farmer’s Association nga idauluan ni Mr. Elmer G. Bromeo, Presidente.
Kalpasan ti Acknowledgment of the Participants ni Mr. Edy L. Sevilleja, nangipaay ti mensahe ni Mr. Teofilo R. Quintal, Provincial Agriculturist. Kimmablaaw ken dinayawna ti madadaan a panangsarabo dagiti mannalon iti mayataday ken naipanawen a programa ti pagbiagan a maimula a mais nga ipaay ti DA. Imbatad ti Opisial ti DA Provincial a mamati nga agballigi ti amin a component ti proyekto ken gannuat ditoy gapu iti agtultuloy a kinatunos ken suporta ti Gobierno Munisipal nga idauluan ni Mayor Edgardo “Ediboy” S. Cobangbang, Jr. para kadagiti programa ti Agrikultura a mangtulong kadagiti mannalon.
Sinarurongan met ni Mr. Oscar Tobia, DA Provincial Corn Coordinator iti napintas a maipakpakita a partnership ti DA ken ti LGU-Cabugao a daytoy ti gubuay ti panagsagrap dagiti mannalon iti napipintas a resulta dagiti proyekto ti DA.
Impaay ni Mrs. Rhoda A. Galban, Corn Training Coordinator ti Overview of the Training. Iti Training Proper, inlektiur ni Ms. Jean B. Abella, R & D Corn Focal Person ti topiko nga Introduction to Corn-based Farming System; binagi met ni Dr. Larina G. Zaballa, Livestock Staff, R & D dagiti Topiko ti Crop Livestock Integration, Corn Forage Conservation & Utilization, Diseases of Large and Small Ruminants; Prevention & Control of Aflatoxin ti inyadal da Ms. Helen Salinas ken Ms. Aileen Millare, agpada a Feed Laboratory Staff.
Iti Day 2 (Mayo 23, 2013), binagi ni Dr. Jovita Datuin, Agricultural Center Chief nga inyadal/indemonstrar ti Feed Formulation and Mixing using By-Product. Naaramid ti aktual a pannakaidemonstrar ti pakabuklan ti topiko.
Nakikaysa met iti nasao a seminar da Bungro Brgy. Captain Fermin Sarinas, Mr. Obas Bill Y. Baclig, Miss Katryn Tapuro ken Opisiales ti Barangay iti nasao a lugar . Naballigi ti dua nga aldaw a seminar.
Daytoy a gannuat ket paset ti alternatibo pay a maimula iti proyekto ti rainfed farming a maipatpatungpal a kadagiti dua nga asosasion agraman iti livestock component daytoy a mangkomplementar iti sustenable a turongen ti proyekto dagiti mannalon ditoy a deppaar.
Dadduma pay a proyekto a naited ket inimatangan ni Mayor Edgardo “Ediboy” S. Cobangbang, Jr. iti pannakaited ti mainayon a mausar ti panagmula dagiti mannalon ti Brgy. Bungro iti nateng ken dadduma pay iti proyekto a nagun-odda iti Community-Based Participatory Action Research (CBPAR) ti DA-RFU 1-ILIARC (Batac City-based) idi Disiembre 14, 2012 iti sango ti Munisipio ti ili a Cabugao.
Buklen dagiti naited nga inputs iti 55 a ganagan ken mainayon pay a 20 bags, insecticides, pesticides ken herbicides.
Naaprobaran sakbayna daytoy a proyekto babaen ti panagkammayet ti LGU-Cabugao, DA-RFU 1, ken Bungro FA iti naaprobaran a Memorandum of Agreement (MOA) iti pannakaipatungpalna.
Naisangrat daytoy a proyekto para kadagiti rain-fed area a kalpasan a mamulaan ti pagay ket mamulaan laengen ti nateng, mais ken dadduma a cash crops a pangtulong ti matgedan dagiti mannalon. Adda pay kanaigna daytoy a livestock project.
Lima nga ektaria nga agkakadarapat ti naaprobaran a pakaipakatan daytoy a programa iti Barangay Bungro a gamuluen dagiti mannalon nga idauluan ni President Eddie Sevilleja.
Iti pannakaited ti inputs, inimatangan pay da SB Member Benedict M. Savellano, Committee Chair on Agriculture, Vice Mayor Danny Q. Gazmen, SB Member Carlos V. Sison, Brgy. Captain Inocencio S. Sadac, Atty. Rex Augustus S. Morales ken DA-LGU OIC Nereo S. Daproza agraman dagiti pannakabagi ti DA-RFU 1, DA-LGU ken Opisiales ken Miembros ti Bungro Farmers’ Association.
Dagiti pammadayaw a nagun-od ti Barangay Bungro kabayatan a makisalsalipda iti Siglat Awards a proyekto ti Gobierno Probinsial ket dagiti sumaganad:
SIGLAT AWARDS 2014
CHAMPION - Outstanding Farmer’s Association
SIGLAT AWARDS 2013
Outstanding Farmer’s Association
SIGLAT AWARDS 2012
Outstanding Farmer’s Association
SIGLAT AWARDS 2011
Outstanding Farmer’s Association. #
(WEB IN-ACTION)
No comments:
Post a Comment