Wednesday, March 11, 2015

TAX CAMPAIGN 2015, AGTULTULOY KADAGITI BARANGAY

Cabugao, Ilocos Sur - Paset ti programa ti Gobierno Munisipal babaen iti panangidaulo ni Mayor Edgardo “Ediboy” S. Cobangbang, Jr. ken ipatungpal  ti  Tesoreria-Munisipal iti panangidaulo ni Mrs. Lourdes A. Azcueta, Municipal Treasurer  iti pannakaiwayat ti Tax Campaign 2015 (panagbayadan ti amiliar) ti daga  kadagiti agnanaed ti barangay  ken re-classification ti  daga babaen iti Municipal Assessor’s Office nga  idauluan ni Mrs. Lilia S. Flores. 

Buklen ti mangbukel ti  grupo dagitoy nga opisina (Treasury ken Asesoria) iti agyeskediul  iti  papanda iti barangay  babaen ti pannakikoordinarda iti Punong Barangay a no sadino a ditoy ket maimpormaran dagiti saan pay a nakabayad/adda ti  pakaseknanna  iti amiliarna (Real Estate Tax) a bumarangay a mapan agbayad.

“Mayat  daytoy a pamay-anda  ta umayda dumanonen  dagiti taga-Munisipio. No arigen, adu ti   trabaho ken turongen  ket no umayda,  mapalagipankami ta di la ket ta ma-pinalti datao ti miliar!” Kuna ti kaaduan  kadagiti umili maipapan iti Real Estate Tax Payment . 

Segun kadagiti mangipatpatungpal ti trabaho, maar-aramid ti tax campaign iti  tinawen ken re-classification ti daga iti  kada tallo a tawen wenno indibidual a pannakasango. Inggunamgunam pay  ti Municipal Treasury a masapul nga adda “willingness to pay” ti amin nga adda sanikuana a daga  iti panagbayadda ti  pagrebbenganda iti Munisipio kas ituding ti Kodigo Lokal.

Dua a barangay ti kaaduan a saklawen ken maileppas  dagiti grupo ti ag-tax campaign iti maysa nga aldaw ken nangrugi idi Marso 3, 2015 a nakaileppasandan iti siam a barangay iti agdama ken manamnama a maileppasda  amin inton Marso 25, 2015. # (Web In-Action)

No comments:

Post a Comment