BARANGAY LIPIT, PAGDINAMAGAN TI PARKE TI KAKAYWANNA!

Cabugao, Ilocos Sur – Maysa ti Barangay Lipit a  mabembenepisiaran iti nam-ay nga ipapaay ti nakongkreto a pagdalanan kadagiti kalye iti las-ud ti barangay ken iti  Provincial Road nga agungto iti Barangay Nagsincaoan ta mapagnaan dagiti lumugar iti panagpa-ilida ken panagawidda iti pagnaedanda iti tunggal aldaw.

Maitultuloy latta met ti pannakasemento dagiti dalan a kumamang iti purok ken sitio. Impeksa  ni Brgy. Captain Bernardo Salom ken ti Konseho-na agraman dagiti kalugaranna iti naan-anay a panagyamanda iti Gobierno Munisipal nga idauluan ni Mayor Edgardo “Ediboy” S. Cobangbang, Jr. a nangilungalong iti dandanin agkakamang a kongkreto a kalsadada iti Barangay Lipit tapno agnam-ay dagiti lumugar ken naannayas ti panangiruarda kadagiti   produktoda para iti pagbiaganda. 

Maipagpannakkelda iti minulaanda ti kaykayo iti ngatuen ti Barangay Hall-da ta pinagbalinda daytoy a parke a a daydayawen ita ti sangaprobinsiaan agsipud ta daytoy ti nangyalat iti nagsaruno a dua a tawen (Siglat Awards 2013 ken 2014) iti  kinakampeonato iti kategoria a nakisalipanna.
Innayon ni Kapitan Salom a ditoy barangayda ti kaaduan a pakapaspasamakan ti “bayanihan” uray iti panagobraan ti barangay ket maibilang a “trademark-da”  ti kooperasion wenno ammuyo a manggubuay pay iti mainayon a panagprogreso  ti lugarda.
Dagiti sumaganad a pammadayaw ti tengngelna iti dua a nagsaruno a  tawen a kinakampeonato iti intero a Probinsia ket dagiti sumaganad: 

SIGLAT AWARDS  2014
Champion
Best in Barangay Tree Park 

SIGLAT AWARDS 2013
Champion
Best in Barangay Tree Park 

2012
Best in Barangay Tree Park, 1st Runner-up . # (Web In-Action)