Cabugao, Ilocos Sur – Nailunsad ti “Laing ti Talugading, Show Me, What You’ve Got”, kabarbaro a programa ti LGU-Cabugao nga idauluan ni Mayor Edgardo “Ediboy” S. Cobangbang, Jr. a maysa kadagiti naisangayan nga aktibidad a pangparubuat iti umadani a panagpiesta ti ili (Ragsak Cabugao Festival) inton Abril 21-25, 2015 ken mangtakuat/mangmuli kadagiti aglemlemmeng a talento/kabaelan iti amin a benneg ti kagimongan ti umili iti Cabugao, Ilocos Sur.
Nairugi ti nadakamat a pakontes idi Marso 7, 2015 (rabii ti Sabado) idiay Auditorium ti Cabugao Central Park (CCP) a no sadino a ditoy ket nagb uyaan ti naruay nga umili gapu iti makaparay-aw a parang dagiti nagpartisipar iti dayta a sardam.
Maaramid pay ti pakontes iti tallo a Sabado. Iti umuna, ket nagsasalipan dagiti agad-adal iti Sekundaria iti ili (private ken public) ket napili dita iti tallo a kangrunaan a nakisalip a maisagana a Finalist.
Kasta met ti mapasamak iti maikadua a Sabado ket buklento met dagiti agad-adal iti Elementaria ket mapilinto met ti kalaingan a tallo a mainayon a Finalist.
Iti maikatlo a Sabado, naituding nga “Open for all” daytoy a pasalip ken buklento met ti Non-Government Agencies (NGA’s) ken NGO’s dagiti agsasalisal iti maikapat a Sabado ti bulan ti Marso 2015.
Iti umuna a Sabado a pannakaaramid ti “Laing ti Talugading”, nagpaay a Program Hosts da Ms. Odette V. Somera ken ni Mr. Dharen Jake R. Garcia agpada a man gisursuro ken buklen met dagiti nagpaay a Hurado dagiti maresrespeto ti kabaelanda iti kastoy a tay-ak ti paglaingan. # (Web In-Action)
No comments:
Post a Comment