Cabugao, Ilocos Sur – Naaramid ti Educational Tour dagiti mannalon a nagturpos iti Farmers Field School - White Corn Category iti Nagsantaan Farmers Association nga idauluan ni Mr. Roberto Sablay, Presidente idi Marso 4, 2015 kas paset iti Field Day nga inggannuat ti Opisina ti Ilocos Norte Research and Experiment Center (INREC)-Batac Station (Marso 2-6, 2015) a sanga ti DA-RFO 1 a nakaipakitaan dagiti experimental farm kadagiti empleado ti DA (Agriculture Extension Workers kasta metten kadagiti mannalon) babaen iti Tema: “Umno a Teknolohiya ti Pangtalon, Mangipaay ti Umdas a Taraon” a ditoy ti nakaiparangan dagiti agduduma a kabaruanan a Teknolohiya iti panagpatanoran ti bawang, legumes ken vegetable seed production under organic management system (in conversion), rainfed model farm, vermicomposting, dragon fruit production, vegetable production under rain shelter, garlic processing, ken seed laboratory testing.
Timmarabay dagiti Agricultural Technologists iti DA-LGU Cabugao nga idauluan ni Municipal Agriculturist Zenaida S. Andrada kadagiti napan nagadal a mannalon ket naaramat ti Lakbay Aral Bus ti Munisipio a naglugananda iti dayta nga aldaw a pannakaimbitarda.
Ti INREC ket masarakan iti MMSU Compound, City of Batac, Ilocos Norte ken idauluan ni Ms. Wilma A. Ibea, Center Chief. # (Web In –Action)
No comments:
Post a Comment