Cabugao, Ilocos Sur – Naangay ti Coronation Rites ti Cabugao North Central School (CNCS) idi Marso 9, 2015 iti Cabugao Cultural and Sports Complex, Brgy. Rizal, Cabugao, Ilocos Sur babaen iti Tema: “Innovation Through Generosity and Cooperation”.
Linuktan ni Mr. Armando Azcueta, PTA President ti programa ket kimmablaaw para iti amin a nakipaset kadaytoy nga aktibidad ken dagiti opisiales ti Gobierno Munisipal nga idauluan ni Mayor Ediboy a kankanayon a ka-danggay dagiti dadaulo ti eskuela ken nagannak iti aniaman a gannuat a para iti pagsayaatan dagiti agad-adal.
Daytoy nga aktibidad ket kulminasion ti Popularity Contest nga inangay ti nasao a pagadalan a nagbuligan dagiti mangisursuro ken nagannak/agay-aywan ti ubbing.
Insaad da Mayor Edgardo ”Ediboy” S. Cobangbang, Jr. ken ni SB Member Dr. Jemaima S. Tan-Yee ti korona da Mr. Valentine 2015 Elvis Nicholai Sesuca 1st ken ni Miss Valentine 2015 Janna Lyka Solima 1st idinto ta insaad da Vice Mayor DJ Savellano ken ni SBM Vicky S. Serna kasta met ken ni SBM Jayhan Alcid-Tan ti capa ti Ari ken Reyna; sash met ti inyawat da Mr. & Mrs. Bernardo Sesuca ken ni Ms. Luzviminda Solima ken Ms. Joanne Sherelyn Solima; Scepter da Mr. Mark V incent Gorospe ken ni Ms. Princess Althea Serna. Indonar da Mr. Jessie Pat Serna ken ni SBM Vicky S. Serna dagiti tropeo.
Iti mensahe ni Mayor Ediboy, kinablaawanna dagiti PTA Officials, agad-adal ken nagannak/agay-aywan iti anepda a nangigannuat iti kastoy nga aktibidad. Pinadayawanna met dagiti mangisursuro nga idauluan ni Mrs. Estrelita M. Siruno, School Principal II ta agtultuloy latta ti tunos dagiti mangtartarawidwid ti Cabugao North Central School kas pagwadan a pagadalan. Innayon ti Alkalde nga itultuloyda koma dagitoy a napintas a programa ken aktibidad a mangmuli iti kinatao dagiti agad-adal para iti naraniag a masakbayanda.
Pinagyamanan ni Mayor Ediboy ti Sangguniang Bayan a katinnulongna a mangilunglungalong iti agtultuloy a pagsayaatan dagiti pagadalan iti sapasap a Cabugao ken iti Cab ugao North Central School.
Nangipaay met ti Mensahe ni SBM Dr. Jemaima S. Tan-Yee, Chair ti Committee on Education ket pinadayawanna ti awan iti pakaisukatanna a panagsakripisio dagiti nagannak ken agad-adal tapno matun-oyanda laeng dagiti arapaapda a makaadal.
Kalpasan ti pannakaited ti Sash, Coronet, Trophy ken Corsage dagiti agparis a Prinsipe ken Prin sesa iti 1st agingga iti 6th babaen kadagiti napusgan a mangiyawat ken mangisaad iti nagbaetan dagiti Intermission Numbers ken Tribute nga impaay dagiti agad-adal.
Naited pay ti Sash ken Corsage dagiti agasmang a Prinsesa ken Prinsipe manipud 7th Place agingga iti 20th Place babaen kadagiti natudingan a mangited kadagitoy.
Nagyaman ni Mrs. Estrelita M. Siruno, Principal II iti amin a timmabuno ken namag-balligi daytoy nga okasion iti pagadalanda.
Nakitaripnong pay dagiti nagannak, Municipal Officials, Bisita ken Guardians iti nadakamat a Coronation Rites. # (Web In-Action)
No comments:
Post a Comment