RESEARCHERS TI DUA A UNIBERSIDAD, BIMMISITA

Cabugao, Ilocos Sur –Nakikoordinar dagiti estudiante ti De La Salle University, Manila ken UP-Diliman, Quezon City  a mangal-ala ti kurso a Bachelor of Science in Biology iti Opisina ni Mayor Edgardo “Ediboy” S. Cobangbang, Jr. iti Munisipio iti Marso 6, 2015.

 Kalpasanna, nagturongda  iti Opisina ni    Municipal Agriculturist Mrs. Zenaida S. Andrada tapno paiwanwanda iti aramidenda a randomized  ocular inspection ken survey kadagiti coastal barangay ti ili a Cabugao pakaseknan iti ar-aramidenda a panagadal/panagsukisok maipapan kadagiti coral reefs agraman dagiti lames ken wagas iti panagkalap iti kabaybayan.

Imbatad dagiti Student Researchers a kayatda a mapalawa ti kaammuanda/panagsukisokda iti innem a Coastal Municipalities ti Ilocos Sur a pakaibilangan ti ili a Cabugao tapno dagiti mabukelda a datos ken  pannakaidokumentona ket agpaay a reperensia wenno pagbasaran para iti sapasap iti benneg ti panagsukisok. # (Web In-Action)