Wednesday, March 4, 2015

BRANDING KEN BAKUNA TI DINGUEN, NAYESKEDIUL

Cabugao, Ilocos Sur – Narugianen  ti Municipal-wide Deworming and Branding of Large Ruminants and Rabies Vaccination of Household Pet  kadagiti 33 a barangay ti Munisipalidad ti Cabugao babaen iti grupo ti DA-LGU nga irepresentaran ni Dr. Melvyn G. Castro, DVM, Municipal Livestock Coordinator.

Nangrugi ti nasaknap a trabahoda sakbay pay iti Marso 3, 2015 a nayeskediul  ket manamnama nga agpatingga inton Marso 25, 2015.  Dua a barangay ti nakaeskediul a papanan dagiti pannakabagi ti DA-LGU  iti inaldaw ket makigiddanda nga agtrabaho kadagiti pannakabagi ti Municipal Treasurer’s Office babaen iti Tax Mapping Campaign-da kadagiti barangay.

Sakbayna, naited iti LGU Cabugao dagiti kasapulan  nga (Anti-Rabies/Livestock Vaccines)  para iti Livestock manipud iti Provincial Veterinary Office, Vigan City iti panangidaulo ni Provincial Veterinarian Joey Warren A.  Bragado, DVM kas paset ti Animal Care/Livestock Program ti Gobierno Probinsial nga idauluan ni Gov. Ryan Luis V. Singson.

Dagitoy nga aksion ken inisiatiba ket resulta ti nakammayet  a programa ti Livestock ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken iti Gobierno Probinsial nga idauluan ni Gov. Ryan Luis V. Singson   tapno matulongan dagiti mannalon a mangingato ti  matgedanda iti panagpatanoran  ti dinguen. # (Web In-Action)

No comments:

Post a Comment