Cabugao, Ilocos Sur –Maselebraran ti “Cabugao 4-H Club Achievement Day” inton Marso 29, 2015 iti Municipal Conference Building, Cabugao, Ilocos Sur babaen iti panagtitipon dagiti Opisiales/Kameng ti 4-H Club iti nadumaduma a barangay ti ili a Cabugao, Ilocos Sur babaen iti Tema: “4-H Club Youth Towards ASEAN Integration.”
Daytoy a programa ket parte ti Action Plan ti 4-H Club a mangaramid kadagiti aktibidad a mangpapigsa ti panagkakaduada nga agtutubo babaen iti maangay a pakontes iti Major Category kas iti Herbal Processing and Packaging Technology; Adlai Delicacy Cooking Contest; Corn-based Food Product Processing ken ti Best Practices on Organic Chicken Production.
Iti Minor Category, maaramid ti Quiz Bee-2 Contestant, Vocal Solo-Original Composition; On the Spot Canvass Painting ken Extemporaneous Speaking.
Makipartisiparto pay dagiti agtutubo iti maangay a 4-H Club Achievement Day inton Abril 8, 9 ken 10, 2015 idiay Agricultural Training Institute (ATI), Batac City, Ilocos Norte.
Innayon ni Obas Bill Y. Baclig, 4-H Coordinator a pabpabilgenda dagiti agtutubo ken aggaggagetda a mangipatungpal kadagiti panangi kalikagum ti LGU-Cabugao kadakuada a mangpasayaat iti kasasaadda a kas naresponsable nga umili. # (Web In-Action)
No comments:
Post a Comment