Cabugao, Ilocos Sur – Nagkammayet ti 5 nga nga empleado ti LGU-Cabugao a nangibagi ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken opisiales ti Brgy. Dardarat nga idauluan ni Brgy. Captain Danny S. Garcia a nagatendar ti selebrasion ti Philippine Environment Month idiay Oasis Country Resort, City of San Fernando, La Union idi Hunio 29, 2012 a pannakapadayaw dagiti Awardees ti Likas Yaman ken dadduma pay a nangitampok iti daytoy a selebrasion.
Inakem ni RD Joel G. Salvador, CESO 1V ti nanglukat ken namasangbay kadagiti nagatendar. Kalpasan ti maysa a surprise number, inyam-ammo ni RTD Policarpio A. Najera, CESE ti Guest Speaker, Director Juan B. Ngalob , CESO 3, Regional Director, NEDA ken Acting RDC Chairman. Kalpasan ti panagsarita ni Dir. Ngalob, naited ti Plake ken Sertipiko iti Guest Speaker, Likas Yaman Awardees a nakaibilangan ti Barangay Dardarat, Institutional Partners and Benefactors ken Most Environment-friendly and Clean PENR and CENR Offices.
Sinerraan ni RED Samuel R. Penafiel, CESO 3, DENR 1 ti programa. Nagpaay nga emcee da Ms. Marizel Calpito ken Ms. Graziel Harvae Gonzales. # (Web In-Action)
 |
| Punong Barangay Danny S. Garcia |
 |
| Barangay Council of Brgy. Dardarat |
 |
| Ni Dir. Juan Ngalob, CEO III |
No comments:
Post a Comment