Monday, July 9, 2012

TIMMAL-O TI KOLEKSION ITI KAMMAYET TI KOLEKTOR KEN NAGBAYAD

Cabugao, Ilocos Sur – Maibasar iti rekord ti Tesoreria-Munisipal, ngimmato  ti koleksion ti buis ti negosio iti Munisipalidad ti Cabugao no  maikompara idi Tawen 2011 ita a  Tawen 2012.

Segun ken ni Mr. Marlon J. Ramos, pannakabagi ti Tesoreria, umabot  ti koleksion ti Munisipio iti  P2,400,123.65 idi Hunio 2011 idinto ta P2,548,971.28 ita  a Hunio 2012 a mangipasimudaag ti panagngato ti koleksion iti agtultuloy a panangimutektek dagiti agtagikua ti negosio iti pagrebbenganda iti Munisipio ken ti naregget a panagkolekta dagiti pannakabagi ti Tesoreria Munisipal.

Imbatad ti maysa a Peace Officer a dakkel met ti kaipapanan ti agtultuloy a  kinatalinaay  ti  kagimongan  a  kakibin ti napintas a panagbuelo ti negosio iti maysa a lokalidad. # (Web In-Action)

No comments:

Post a Comment