Monday, July 2, 2012

NGO, NAGITED TI SEEDLINGS ITI MUNICIPAL NURSERY

Cabugao, Ilocos Sur – Naideliber ti umabot ti 3,050 a bilang ti seedlings (fruit trees ti kaaduan)  nga inted ti Focus on Development Goals Foundation, Inc. (FDGFI) kas iti Grafted Mango, Guyabano, Jatropha ken Mahogany ket naipan idiay Municipal Nursery, Brgy. Baclig, Cabugao, Ilocos Sur idi Hulio 2, 2012.

Inawat ni AT/MENRO Designate Edgar S. Balangatan manipud ken ni Mr. Arthur T. Madayag, FDGFI Representative ken Mr. Michael Arreola, Delivery Trucking Representative.

Dagitoy a seedlings ket prayoridad a kiddawen dagiti Kapitanes ti Barangay ti Munisipalidad ti Cabugao  tapno isuda ti mangibagnos kadagiti kalugaranda  ti pakaimulaanda  ken ti pannakasustener ti pannakapatan-ayda, segun ken ni MENRO Balangatan.

Ti pannakaawis dagiti NGO’s nga agited ti seedlings ket mangipasingked ti panagtalekda iti agtultuloy a pannakaidur-as ti  programa a Greening  ken Reforestation babaen  ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ita a panawen ti Environment Month, innayon pay ni MENRO Balangatan.   # (Web In-Action)

No comments:

Post a Comment