Cabugao, Ilocos Sur – Iti pannakaisar-ong ti Web In-Action iti tiendaan ita a Hulio 5, 2012, impasabat ni Mr. Darwin P. Sumibcay, Revenue Collection Clerk 2 dagiti kaar-aramid ken agdama a pagannurotan a binukelda iti Task Force NISTC nga idauluan ni Engr. Nestor Somera.
Dagiti sumaganad ti agdama a maipakpakat iti tiendaan:
- Agtultuloy a matingiting ti mayataday a disso a pagipasdekan ti pasilidad (proper zoning).
- Overdue rentals iti kallabes ket makolekta a nasamay ti wagas a maipakat.
- Mamantener ti kinadalus ken kinaurnos ti aglawlaw.
- Maaksionan a dagus dagiti minor ken major repair ti pasdek NISTC kas iti pannaasikaso ti “leak” ita a panagtutudo.
- Maipakat ti 0% Delinquency iti obligasion dagiti adda pagrebbenganna iti tiendaan.
- Maikkan ti patas a rukod ti espasio dagiti aglaklako ken umisu a kilowatt-hour meter ken makonsumo a koriente.
- Sorpresa a mabisita/maamiris dagiti pagkiluan tapno malapdan ti panagkusit.
Iti sabali a bangir, agepekto met ita a Hulio 5, 2012 dagiti naputar a pagannurotan kadagiti aglaklako ti ikan iti tiendaan:
- Aglamisaan ti aglako ti ikan ken permanente ti pagyananna-madi ti agakar-akar.
- Agdisso amin ti lako iti rabaw ti lamisaan. Maiparit ti agiplastar iti baba ken agsurdong ti lamisaan.
- Masapul nga adda pagikkan ti basura, usaren a sagad nga iit, ken ibellengna-basurana.
- Masapul a panawan ti paglakuan a nadalus iti rabii ken agpakada iti guardia no masapa ti papan panaglako iti bigat.
- Makumpiska ti pagkiluan ti napaneknekan nga aglabsing ket sakaenna ti P100. # (Web In-Action)
No comments:
Post a Comment