Cabugao, Ilocos Sur – Naulit manen ti yuumay dagiti pannakabagi ti Departamento ti Agrikultura (DA), Regional Field Unit 1 nga idauluan ni ILIARC Assistant Manager Ma. Cristina A. Orine ita a Hulio 18, 2012 sadiay Brgy. Bungro, Cabugao, Ilocos Sur tapno maaramid ti group discussion ken data gathering tapno ammoda ti umisu a kasapulan dagiti mannalon a maited a pakauna ti programa: Community Based Participatory Action Research-Diversified Farming System in Rainfed Lowland Areas.
Napagasatan ti Brgy. Bungro ken Pug-os a recipients daytoy a programa: sag-5 Hectare-da a paset iti umabot ti 5.5 Milion a balor ti proyekto ken programa iti intero a Rehion Uno, segun ken ni Mr. Obas Bill Baclig, Supervising Technologist. Mayaplikar daytoy a panagsukisok a programa iti panagmulaan ti pagay, mais ken nateng itoy dua a barangay ti Munisipalidad nga addaan ti rainfed area.
Iti kaadda ti grupo ti DA-RFU 1 iti Brgy. Bungro, maar-aramiden ti Participatory Rural Appraisal (PRA) a parte ti proyekto ket nakipagtaming dagiti staff ti DA-LGU, Farmers Association, opisiales ti barangay nga idauluan ni Bungro Brgy. Captain Fermin Sarinas ti pannakaited dagiti makiddaw a datos ken impormasion.
Nainayon a nag-appraise iti DA-RFU 1 da Mr. Edilberto V. Santiago ken Mr. Edwin Joseph Franco, agpada a Rice Researcher, Ilocos Sur kasta met ni Mr. Wensley Sandi ti DA-La Union.
Ti Brgy. Bungro ket itakder ti Farmers Association nga idauluan ni Mr. Eddy Sevilleja ken Pug-os Farmers Association nga idauluan ni Mr. Elmer Guerrero Bromeo. # (Web In-Action)
No comments:
Post a Comment