Cabugao, Ilocos Sur – Naangay ti selebrasion ti Stimulation and Therapeutic Action Center-Cabugao iti maika-34 a National Celebration ti adda an-annayenna nga ubbing ken agtutubo iti mismo nga STAC-Cabugao Center, Brgy. Bonifacio, Cabugao, Ilocos Sur.
Nagsarita ni SB Member Dr. Calito S. Pano, Chairman on Health and Social Services ken imbagianna ti LGU-Cabugao iti nasao a selebrasion ket dinakamatna ti panangidaulo ni Mayor Ediboy S. Cobangbang, Jr. a mangilunglungalong iti pagsayaatan dagiti disabled children.
 |
| Ti panagsarita ni SB Member Dr. Carlito S. Pano, Chairman on Health and Social Services |
Kinarit ni SB Pano dagiti nagannak nga atibayenda dagiti annakda babaen ti tulong ti institusion ken ti LGU tapno makasublida a nasayaat a makipagili.
Dinakamat pay ti Konsehal ti pateg iti proyekto dagiti nagannak a plastic and newspaper weaving a pakakumikomanda nga agbantay.
Kabayatanna, nangted ti inspirational message ni Mr. Dante Ullero, Presidente ti Disabled Person Association of Cabugao kadagiti padana nga adda an-annayenna. Imbagana nga agyamanda unay ta agpada a makatulong: iti panangtulong ti bukod a bagi ken panangtulong dagiti institusion ken iti Gobierno Munisipal kadakuada.
 |
| Ni Mr. Dante Ullero, Presidente ti Disabled Person Association of Cabugao |
Imbatad ni Mr. Ullero nga iramanna met dagiti ubbing a maipaset iti asosasionda iti Munisipalidad ket maorganisar/mapatibker a naimbag sadanto idatag dagiti kasapulan a proyektoda a sektor ken ni Mayor Ediboy.
Kalpasan ti ababa a programa, naaramid ti Exhibition ti Drawing babaen iti STAC Learner ken naaramid ti workshop ti panaggansilio dagiti nagannak kalpasanna. # (Web In-Action)
No comments:
Post a Comment