Tuesday, July 17, 2012

MAIDUMA TI KAADU TI AGPAAGAS ITI LUNES

Cabugao.Ilocos Sur – Saan a mapagduaduaan nga iti napintas a pannakaasikaso ti kangrunaan a makagapu no apay nga adu nga umili ti umay agpaagas nangruna iti aldaw ti Lunes. Pammaneknek ti kaadu  ti umili nangruna iti barangay  nga umay agpaagas.

“Kasla ag-party ditoy RHU,” inyisem  ni Dr. Lotgarda “Loty”  Tayao, Municipal Rural Health Physician idi kauman ti Web In-Action. “Ma-feel-da ti good services ta ma-addressan ti concerns-da.”

“Dakkel met ti kompiansada iti Munisipio nga idauluan ni Mayor Ediboy.” Kuna dagiti agassawa a Mr. & Mrs. Simeon Tatson, taga-Sitio Caset, Brgy. Maradodon, Cabugao, Ilocos Sur. “Dayta ti mainayon pay nga gapu isu nga  immadu ti agpaagas ta siguden nga  mannakitinnulong ni Apo Mayor uray idi saan pay nga Mayor isuna.”

Innayon ni Dr. Tayao nga ituloyda ti Barangay Health Clinic-da kadaytoy a bulan ket umuna a napananda idiay Barangay Pila kas kiniddawda. # (Web In-Action)  

No comments:

Post a Comment