Friday, August 17, 2012

4-H CLUB TI BARANGAY BACLIG, NABUANGAY

Cabugao, Ilocos Sur – Naorganisar ti asosasion dagiti out-of-school youths ti Barangay Baclig, Cabugao, Ilocos Sur idi Agosto 16, 2012 iti mismo a Barangay Hall ti nadakamat a lugar.

Indauluan ni Mrs. Joenah G. Sevilleja, Municipal 4-H Club Coordinator ti nangmiting kadagiti agtutubo ket nailawlawag ti panggep ti programa ti Departamento ti Agrikultura (DA)  a mangtignay kadagiti saan nga agbasbasa nga agkabannuag a makigamulo iti aramid-agrikultura a tumulong a  mangpadur-as ti bagida, komunidad-da ken ti ilida.

Timmarabay met da Kagawad Mario Morales, Chairman, Committee on Agriculture ke Barangay Secretary Tony Sabio iti nasao nga organizational meeting.

Napagkaykaysaan ti pannakaakreditar ti asosasion iti barangay, Munisipio ken ti pannakairehistrona iti DOLE tapno  maprobitsarda ti pagsayaatanda kadagiti amin nga ahensia a maseknan a makatulong ti panggepda a 4-H Club.

Dagiti napili nga opisiales ti asosasion ket isuda: Richelle Cabasug, Presidente; Kevin Tabula, Vice President; Roldan Tadili, Secretary; Sisanta Tabil, Treasurer; Marvin Tabil, PIO ken Mark Anthony Pichay, Auditor. # (Web In-Action)

No comments:

Post a Comment