Cabugao, Ilocos Sur – Naaramid ti panagited ti sagut (nagansilio a plastic bag) kadagiti First Year High School ti amin nga eskuela-sekundaria iti Munisipalidad ti Cabugao ita Agosto 17, 2012 babaen ti timpuyog dagiti Personnel ti LGU ken iti Opisina ti Mayor.
Paset daytoy nga aktibidad ti panagbisita ni Mayor Edgardo “Ediboy” S. Cobangbang, Jr. sakbay ti kasangayna iti tunggal pagadalan a pangipaayanna ti mensahena para kadagiti agad-adal ti kaipapanan ti isagutna a plastic bag.
 |
| SISIM NATIONAL HIGH SCHOOL |
Dagitoy a bag ket gapuanan dagiti kameng ti CABULIG (Cabugao Ladies Intensified Group) maysa nga NGO nga idauluan ti kapisi ti pusona, Ma’am Jerlie S. Cobangbang, nga agtultuloy a mangmuli ti kabaelan ti sektor-babbai nga agaramid ti bag babaen iti pannakausar ti recycled plastics kas proyekto-pagbiagan ken pangpadakkelda ti pundo ti asosasionda.
Innayon ni Mayor Ediboy a napintas a pangrugian a pakaipasagepsepan daytoy kadagiti agtutubo tapno matulonganda ti sapasap a pakaseknan ti pannakakessay ti basura a non-biodegradable a kas iti plastic wenno cellophane.
Inapresiar met dagiti mangisursuro kadagiti pagadalan daytoy a gannuat ken mensahe para iti kaaduan nga itandudo ni Mayor Ediboy iti panagkasangayna.
 |
| CABUGAO INSTITUTE |
Immuna a napanan ti grupo ken nagbisitaan ni Mayor Ediboy ket iti Pug-os National High School, nasairuno a napananda dagiti pagadalan ti Cabugao National High School, Cabugao Institute, Lipit National High School ken Sisim National High School. Nabara ti panangsarabo dagiti agad-adal, mangisursuro ken Principal/Head kadagita a nadakamat a pageskuelaan iti Ama ti Ili.
 |
| CABUGAO NATIONAL HIGH SCHOOL |
Pinasangbayda ti agkasangay nga Alkalde iti nabara a kablaaw ken kinantaanda ti birthday song.
Nagyaman met ni Mayor Ediboy ta uray kaskasano ket napnuan kaipapanan ti ipaawat daytoy a panagbisitana iti kasangayna ta nakakonektar iti prinsipio a panangsaluad iti aglawlaw babaen ti panangipromotna ken iti kaaduan iti panangusar ti non-biodegradable material a pagkakitaan ti tao a nangruna ti sektor-babbai.
Nagyaman met ni Mayor Ediboy ta uray kaskasano ket napnuan kaipapanan ti ipaawat daytoy a panagbisitana iti kasangayna ta nakakonektar iti prinsipio a panangsaluad iti aglawlaw babaen ti panangipromotna ken iti kaaduan iti panangusar ti non-biodegradable material a pagkakitaan ti tao a nangruna ti sektor-babbai.
Selebraran ni Mayor Ediboy ti kaaldawan ti panagkasangayna iti Agosto 18 (Sabado). # (Web In-Action)
 |
| LIPIT NATIONAL HIGH SCHOOL |
 |
| PUG-OS NATIONAL HIGH SCHOOL |
No comments:
Post a Comment