Cabugao, Ilocos Sur – Naangay ti maikatlo nga eskediul dagiti umaayam dagiti nagsasalip nga ili iti 2nd Hon. Ronald V. Singson Inter Town Basketball Tournament Ist District of Ilocos Sur babaen ti panangesponsor ni Hon. Ronald V. Singson ita nga Agosto 12, 2012 iti Cabugao Cultural and Sports Complex, Brgy. Rizal, Cabugao, Ilocos Sur.
Naaramid dagiti Games a nagsalipan dagiti umaayam iti nadumaduma nga ili ti Umuna a Distrito .
Maaramid ti ay-ayam iti tunggal Sabado ken Domingo ket mapatta-patta a malpas inton Setiembre 2012. Umabot ti 11 a Teams ti agsasalip ket dagiti uppat a kasiglatan a Teams ti agsalisal iti Semifinals ken Best of Seven Games iti Finals.
Ni Commisioner Noli Que ti mangtarawidwid ti 2nd Hon. Ronald V. Singson Inter Town Basketball Tournament 1ST District of Ilocos Sur ken mayeskediul ken maaramid iti Municipal Basketball Court iti kada ili ti Umuna a Distrito ti Ilocos Sur.
Kangrunaan a panggep ti Tournament ket ti agtultuloy a salun-at ti pisikal ken mental nga aspeto dagiti agtutubo kasta met a mamulida iti disiplina, pannakikadua, sportsmanship ken pagliwliwaan. # (Web In-Action)
No comments:
Post a Comment