Cabugao, Ilocos Sur – Napintas a kalsada ti naipangruna iti Brgy. Cael-layan tapno manam-ayanda nga agpaili kas iti panagdaliasatda iti EEA Road nga awan ti ballasiwenda a karayan. Napintek dagiti pinuon ti kayo, mulmula ken bayog/kawayan a trinsera ti agsumbangir ti kalsada agingga idiay National Highway.
Madama ti obra dagiti bumarangay iti las-ud ti multipurpose pavement-da idi Agosto 10, 2012. Nakauman ti Web In-Action da Mr. Anacleto Zabala, Presidente ti Cael-layan Farmers Association, Mr. Orencio Sadioa, Presidente ti Senior Citizens Association ken Mr. Rudy Castillo, Barangay Tanod ket imbatadda ti panagyamanda iti LGU Cabugao iti napasayaat a dalanda ken ti panagtutunosda ti kangrunaan a mangmantener ti talingengen iti barangay-da.
Ti Brgy. Cael-layan ket idauluan ni Brgy. Captain Margarita “Margie” Zabala. # (Web In-Action)
No comments:
Post a Comment