Monday, August 6, 2012

SESION TI MANNALON ITI FFS, KASLA MET AGAD-ADAL ITI ESKUELA

Cabugao, Ilocos Sur – Naaramid  ti linawas a  panagsesion ti FFS Class-Pug-os, Cabugao, Ilocos Sur idi Agosto 2, 2012 iti Barangay Stage ti barangay.

AESA 2 (Agro-ecosystem Analysis)  ti paulo ti klinaseda ket 100 % tatta ti attendance-da. Agkakalaing dagiti presentor iti lima a grupo. Magustuanda dagiti eyes breaker wenno energizer  a naipaay iti nagbaetan ti topiko. Aktiboda nga agpartisipar ken aganalisar  iti diskusion  ket banag a nangpabaknang ti masursuroda kadagiti mayadal kadakuada.


“Awan dumana iti pormal a panagbasa daytoyen. Panagriknak, awan dumana a kaskami  la  Teknisianen no malpasmi daytoy a kurso. Agyamankami iti programa ti LGU nga idauluan ni Mayor Ediboy. Nagasatkami ta naikkankami ti tiansa a kastoy,” imbatad ni Mr. Henry Saliganan, maysa kadagiti kalaingan ti klase ken Top Hybrid Producer ti Brgy. Pug-os.

“Uray adayokami, nagagetak nga umay agadal iti aldaw ti Huebes. Diak ibilang a taktak ta na-enjoy met  ken adu ti gimik ni Sir Nereo a mangikkat ti pannakaboring-mi,” insupusop met ni Kagawad Roberto Peralta  Sablay, Chairman, Komite ti Agrikultura iti Konseho ti Brgy. Nagsantaan.


Kabayatan ti klase, naglektiur  da Mr. Robert  S. Savella, Mr. Obas Bill Y. Baclig, ken Mrs. Ester Aguimbag, agpapada a Teknisian ti DA-LGU  iti mainaig a topiko iti maiyadal a module ti DA-ATI.

Nagasistir met da Miss Katryn Tapuro, JO ken Mrs. Ednalyn Silario, Clerk-Encoder ti DA-LGU.

Nakipaset ken nangted ti pammabileg-rikna a mensahe    ni MAFC Chairman ken kaddutok  a Kagawad iti Brgy. Sagayaden, Mr. Rogelio Barlolong iti dayta a petsa a panagsesion ti FFS-Pug-os. # (Web In-Action)

No comments:

Post a Comment