Cabugao, Ilocos Sur – Kalpasan ti dandani dua a lawas a tudtudona, agduduma ti klasena ti rikriknaen dagiti umili nga immay nagparikna iti Rural Health Center ti ili a Cabugao partikular ita nga Agosto 6, 2012. Kaaduan ti maladaga a naipaili gapu iti gagangay a sagubanit.
“Nadaras a maasikaso ta nagaget dagiti agrebbeng. Adda madadaan a mausar ken agas a maited. Agyamankami unay Apo,” kinuna ni Mrs. Marilou B. Tacsiat a taga-Brgy. Rizal, Cabugao, Ilocos Sur a nangkuyog ti maladaga nga apona.
Ti pannakatagiben ti salun-at babaen iti masagsagana a pannakaipaay ti serbisio-medikal ken dental ket prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno tumanor a produktibo dagiti umili a pagbasaran ti naballigi ken natalingenngen a kasasaad ti biag. # (Web In-Action)
No comments:
Post a Comment