Cabugao, Ilocos Sur – Nagreport ni Brgy. Captain Robertson Gorospe ti Brgy. Namruangan, Cabugao, Ilocos Sur iti Licensed Fish Examiner, Mrs. Milagros R. Paz, AT-DA-LGU iti pannakaala ti iket ti maysa a mangngalap ditoy a barangay iti maysa nabiag-baybay (Green Turtle, 92 cm. by 86 cm., Caraface) wenno masasao a “Pawikan” idi Agosto 21, 2012 iti kabaybayan a batog ti Barangay Namruangan.
Dagus met a nakikoordinar ni Mrs. Paz iti DENR-CENRO Vigan City ket immay ni Mr. Antonio T. Patol, Jr., Ecosystem Management Specialist ket kinaduana a napan iti Brgy. Namruangan ita nga Agosto 22, 2012. Tinarabay ida ni Brgy. Captain Gorospe ken lumugar ditoy iti pannakaibulos ti nabiag-baybay tapno maisubli iti kadanuman kalpasan ti panangirekord ni Mr. Patol ti detalye (pakabuklan) ken ladawan ti Green Turtle.
Imbatad ni Mrs. Paz nga nairuamen dagiti agnaed iti igid ti baybay ti ili a Cabugao a protektaran no adda “endangered specie” a maisadsad iti igid wenno maitakdang gapu iti agtultuloy a kampania ti Gobierno Munisipal agraman dagiti maseknan nga Ahensia iti nasamay a pannakaprotektar kadagitoy a nabiag a masaluadan. # (Web In-Action)
No comments:
Post a Comment