Thursday, August 16, 2012

NABUANGAY TI 4-H CLUB TI BRGY. BONIFACIO

Cabugao, Ilocos Sur – Tinarabay ni Brgy. Captain Valentin S. Tuyor, Jr. dagiti kalugaranna nga agtutubo iti organizational meeting nga inyusuat ti DA-LGU Cabugao babaen ken ni Municipal 4-H Club Coordinator Joenah G. Sevilleja idi Agosto 15, 2012 iti Barangay Hall, Barangay Bonifacio, Cabugao, Ilocos Sur.


Inlawlawag ni Mrs. Sevilleja ti panggep ken pakabuklan ti programa ti 4-H Club  ken dagiti benepisio a maipaay kadagiti out-of-school youths. Naitarapnos a  napagnanamingan ti  annongen  ti panagmiembro, annual dues ken ti addang nga aramidenda tapno maakreditar iti LGU ken mairehistro idiay opisina ti DOLE.

Ti pannakaurnos dagiti agtutubo nangruna dagiti di agbasbasa ket agtultuloy a  tulongan   ti Gobierno Munisipal isuda nga ag-inisiatiba  tapno maibagnosda iti panagimbagda a pakairamanan   ti  pamiliada, komunidad-da ken makatulongda iti Gobierno iti panagnaknakmanda a kas produktibo nga umili.

Dagiti napili nga opisiales ket isuda: Ronald Soller, Presidente; Christopher Uplas, Vice President; Reyna Micah Sevilleja, Secretary; Reyna Lyn Sevilleja, Treasurer; Arjay Carlo Romano, Auditor, ken Crisanto Siruno, PIO.  # (Web In-Action)

No comments:

Post a Comment