Cabugao, Ilocos Sur – Nareorganisar ti asosasion ti 4-H Club ti Barangay Dardarat idi Agosto 13, 2012 ket naangay ti mitingda iti Barangay Hall iti nadakamat a barangay. Nag-Preside ni Mrs. Joenah G. Sevilleja, Municipal 4-H Club Coordinator, ket impaawatna manen ti panggep ken pakabuklan ti programa ti 4-H Club nga itantandudo ti LGU-Cabugao.Iti pannakiuman ti Web In-Action ken ni Brgy. Captain Danny Garcia ti Barangay Dardarat, imbatadna a mas episiente ita ti panagaksion dagiti kameng ta maipamaysada ti aktibidadesda ta kaaduan dagiti miembros ket saan nga agbasbasa.
Pinagyamanan ti Punong Barangay ti Gobierno Munisipal ta agtultuloy ti pammaregtana kadagiti agtutubo nga ag-inisiatiba ti wagas a mangpatibker ken mangpasayaat ti sektor-da.
Dagiti napili nga opisiales ket isuda: Charlie Carbonel, Presidente; Christian Sumay, Vice President; Mae Ann Callejo, Treasuer; Melchor Sampilo, PIO, ken Romel Sumay, Auditor. # (Web In-Action)
No comments:
Post a Comment