Cabugao, Ilocos Sur – Madagdagus a mataming ti umili a maikkan ti numero ti kard iti panagasikaso-da iti agpakonsulta iti RHU Cabugao iti kaaldawan ti Lunes, Agosto 13, 2012. Indauluan ni Dr. Lotgarda Tayao, Municipal Rural Health Physician a kaduana dagiti midwives ken nurses kadagiti agamiris ti an-annayen ti pasiente. Sistematiko ti pannakaurnos dagiti agpakonsulta gapu ta aggiddan ti pannakairehistro-da ken pannakaited ti numero-da iti masungad a lamisaan para iti batang-da.
Imbatad ni Dr. Tayao iti pannakiuman ti Web In-Action a kaaduan ti respiratory sickness kas iti panateng, uyek ken kanaigna ti gurigor nangruna kadagiti ubbing ti kaaduan a sakit a nataming iti pagagasan. Gubuay daytoy ti kawa a patauden ti panagbaliw ti tiempo ken kanaigna met ti kasasaad ti sanitasion ti maseknan, segun iti Doktora.
Nupay kasta, manamnama met ti panaglaing-da gapu ta adda madadaan nga agas a maited nga usaren dagiti maseknan nga ubbing nataengan ken dadduma pay a nagparikna. # (Web In-Action)
No comments:
Post a Comment