Cabugao, Ilocos Sur – Nabuangay ti Cabugao Overseas Family Circle Federated Association a pakabuklan ti programa ti Overseas Workers Welfare Administration wenno (OWWA), sanga ti Gobierno Nasional a mangtamtaming ti pagsayaatan ken pakaseknan dagiti Filipino nga agtartarabaho iti sabali a pagilian ken pakairamanan pay dagiti ex-abroad ken kameng ti pamiliada.
Immuna nga inlawlawag ni Ms. Virna P. Agbayani, Family Welfare Officer (FWO) ti pakabuklan ken panggep ti programa ket naigiddan ti pannakapili dagiti opisiales ti nasao a Pederasion.
Kalpasan a pinagsapata ni Mayor Edgardo “Ediboy” S. Cobangbang, Jr. idi Agosto 9, 2012 dagiti napili nga opisiales iti SB-ABC Hall, impaayna ti inspirational message-na ket nagyaman ken dinayawna ti inisiatiba ti pannakabuangay daytoy nga asosasion. Innayon ti Alkalde a batangda met ita ti naikkan ti gundaway nga agserbi ket aniaman a mapanunot ti asosasion nga isayangkat a pagsayaatan ti sektor-da ket madadaan ti LGU a tumarabay kadakuada.
Kabayatan a maisaknap iti barangay ti panggep ken sakupen daytoy nga asosasion ket maitartarabaho ti pannakairehistrona. Manamnama a no magun-odda ti kaaddan ti juridical identity-na a maki-transact iti amin a line-agencies ket maprobitsarda a naan-anay dagiti pagsayaatan nga itden dagiti maseknan nga Ahensia.
Dagiti napili nga opisiales ket isuda: Ms. Rolly Bolante, Presidente; Brgy. Capt. Fermin Sarinas, Bise Presidente; Ms. Lutgarda Galamgam, Sekretaria; Ms. Minerva Bringas, Tesorero; Ms. Gloria Cobangbang ken Ms. Jonalyn Solis, Auditor; Ms. Judith Santiago ken Mr. Elmer Sajonia, P.R.O. # (Web In-Action)
 |
| Ms. Virna P. Agbayani, Family Welfare Officer (FWO) |
No comments:
Post a Comment