Cabugao, Ilocos Sur – Naipamatmat ti Baclig Callaguip-Lusong Suyo Multi-purpose Association iti panangidaulo ni Mr. Dominador Reynold Sabio nga immagpang ti kaaammuan ken kabaelan ti asosasion babaen ti agtultuloy a panangtarabay ti Gobierno Munisipal nga idauluan ni Mayor Edgardo “Ediboy” S. Cobangbang, Jr.
Napatgan ti kalikagum ti BACALL MPA ti Rice Cutter (1unit) manipud iti DA-Regional Field Unit 1 babaen iti naisubmiter a resolusion nga inyendorso ti LGU Cabugao. Babaen iti 85-15 Scheme, imbaklay ti BACALL MPA ti counterpart-na a 15% ket 85% ti DA-RFU 1. Dinayaw ni Mayor Ediboy daytoy nga inisiatiba-da a mangipalnaad ti nagnaan ti pannakapatibker dagiti asosasion iti agdama.
Nairaman iti ladawan dagiti kadua ni Mayor Ediboy a nangimatang iti pannakaipan ti ramit ditoy Munisipio ita nga Agosto 8, 2012, da Municipal Agriculturist Zenaida S. Andrada, Brgy. Captain Modesto Ronque, dagiti kameng ti DA-LGU Cabugao ken dagiti agkasimpungalan a Mr. & Mrs. D. R. Sabio. # (Web In-Action)
No comments:
Post a Comment