Cabugao, Ilocos Sur – Mayataday a mabukel ti gunglo dagiti di agbasbasa nga agtutubo iti Brgy. Cael-layan tapno tumulongda a mangpadur-as ti agrikultura a kangrunaan a pagbiagan ti lumugar.
Idi Agosto 10, 2012, nagturong ti pannakabagi ti DA-LGU tapno buangayenda ti 4-H Club. Impasagepsep ni Mrs. Joenah G. Sevilleja, Municipal 4-H Club Coordinator ti panggep ti programa ti 4-H Club ken ti addang nga aramiden tapno mairehistro ti asosasion ket mairaman kadagiti benepisio ken proyekto nga itden dagiti maseknan nga Ahensia ti Gobierno. Naaramid ti miting iti Barangay Multipurpose Building iti barangay.
Idi Agosto 10, 2012, nagturong ti pannakabagi ti DA-LGU tapno buangayenda ti 4-H Club. Impasagepsep ni Mrs. Joenah G. Sevilleja, Municipal 4-H Club Coordinator ti panggep ti programa ti 4-H Club ken ti addang nga aramiden tapno mairehistro ti asosasion ket mairaman kadagiti benepisio ken proyekto nga itden dagiti maseknan nga Ahensia ti Gobierno. Naaramid ti miting iti Barangay Multipurpose Building iti barangay.
Daytoy a gannuat ket mayannatup iti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. a mangibagnos iti umisu a direksion kadagiti agtutubo iti Munisipalidad nangruna dagiti di agbasbasa tapno saanda a maisungsong iti madi a bisio ken agbalinda a produktibo a makipagili.
Buklen ti Taga-DA-LGU a nagasistir ket da Mr. Robert S. Savella, Miss Melanie Saquiton ken Mrs. Marjorie Castillo.
Dagiti napili nga opisiales ket isuda: Francelisa Morales, Presidente; Aiza D. Morales, Bise Presidente; Jonabel Feredo, Sekretario; Joel Morales, Tesorero; Roel Jenard Sajonia, PIO; Benjie Tumamao, Auditor. # (Web In-Action)
No comments:
Post a Comment