Cabugao, Ilocos Sur – Maysa manen a masipsiputan ti naannayas a panagballigi ti aktibidad ken programa ti 4-H Club ti Brgy. Pug-os babaen ti panangidaulo ni Christian Yangat ken iti nasiken a panangtarabay dagiti pannakabagi ti DA-LGU a da Mr. Obas Bill Y. Baclig ken Mrs. Joenah G. Sevilleja, Municipal 4-H Club Coordinator.
Nairugi a napatibker ti asosasion idi Hulio 2012 ket ti dati a Fishpond ti gunglo ti dinalusan ken pinupokanda iti umabot ti 2,000 a Tilapia Fingerlings kas pangrugianda a proyekto. Masarakan daytoy dua a kadisso a pagpupokan iti masakupan ti Carmeling Beach, Brgy. Pug-os, Cabugao, Ilocos Sur iti dumna ti National Highway.
Ti pannakapatibker ti sektor dagiti out-of school youth ket paset ti banner program ti DA-LGU a maisalinong iti 4-H Club ken supsuportaran ti Gobierno Munisipal nga idauluan ni Mayor Edgardo “Ediboy” S. Cobangbang, Jr.
Dagiti dadduma pay nga opisiales ti gunglo ket isuda: Apa Y. Baclig, Vice President; Lorenzo Flores, Secretary; Karen Vicente, Treasurer; Adrianne Cimatu, Auditor ken Edito Guzman, PRO. Mamagbaga ni Ernesto Vicente. # (Web In-Action)
No comments:
Post a Comment