Cabugao, Ilocos Sur (Agosto 21, 2012) – Manamnama ti isasangpet dagiti kameng ti National Evaluators ti National Nutrition
Council para iti maaramid a panagsagat nga ebaluasion iti Nominee ti
Most Outstanding Barangay Nutrition Scholar, National Category ita a Tawen 2012
iti Barangay Bonifacio, Cabugao, Ilocos Sur
mangrugi inton Agosto 22, 2012, segun ken ni Mrs. Joenah G. Sevilleja,
Municipal Nutrition Coordinator.
Maitampok iti pasalip ti pagwadan a BNS, Ms. Macrina Irorita
Saturno a Regional Winner ti BNS iti 2011 a mangibagi ti barangay a naggapuanna a nagrugian a nakaipakatan dagiti kabaelan ken gapuananna iti pannakaipatungpal a
naan-anay ti programa ti Nutrision a nangyalimpatok
kenkuana ti balligi.
Imbatad ni Brgy. Captain Valentin S. Tuyor, Jr. ti Barangay
Bonifacio a dagiti pammadayaw a nagun-od
ti naisangayan a BNS ket dayaw ti barangay ken ti ili ken iti sapasap a Nutrition Sector ti
Rehion Uno.
Ti Municipal Nutrition Council Committee ket idauluan ni Mayor Edgardo S. Cobangbang,
Jr. # (Web In-Action)
No comments:
Post a Comment