Friday, August 17, 2012

BUWAN NG WIKA, SINELEBRARAN TI CABUGAO NORTH CENTRAL SCHOOL

Cabugao, Ilocos Sur – Nagselebrar ti Cabugao North Central School nga idauluan ni Mrs. Estrellita M.  Siruno iti Buwan ng Wika nga addaan ti  tema: “Tatag ng Wikang Filipino, Lakas ng Pagka-Pilipino” iti Cabugao Cultural and Sports Complex, Brgy. Rizal, Cabugao,Ilocos Sur idi Agosto 16, 2012.

Kalpasan ti panglukat a kararag ni Charlene Delinia, Grade 6, kinanta ni Ma. Sophia Mikaela Suboc ti Awiting Makabayan. Panglukat a sarita ti binagi ni Jury Anne Galamgam, Grade 6, Presidente ti Supreme Pupil Government.

Naibaet ti kontes ti panagkanta ken panagdaniw.  Naisaganad ti pagsapata  dagiti opisiales  ti Supreme Student Government ken Samahan ng Inang Wika babaen ken ni Principal Estrellita M. Siruno. Naiballaet ti Balagtasan ti Grade 6 Pupils.

Nangted ti mensahe ni SB Secretary Maxfel S. Suboc, Presidente ti PTA  ket tinalantanna ti pateg ti nailian a pagsasao a mangyeg ti panagkikinnaawatan ken panagdur-as ti pagilian.


Pinagyamanan met ni DedEd  District Supervisor Helen V. Siruno iti naipakita a kabaelan dagiti ubbing a nangpadaeg ti selebrasion ti Buwan ng Wika. Pinagyamananna pay dagiti nagannak a nakipaset iti programa ken dagiti naanus a mannursuro ti CNCS.



Naiyawat  dagiti premio ken pammadayaw kadagiti nangabak ti kanta, daniw ken panag-drowing babaen kada Supervisor Helen V.  Siruno, Principal Estrellita M. Siruno ken SB Secretary Maxfel Suboc. 

Nagyaman ni Jasrylle Mae Virgie Tapuro, Grade 6, Presidente ti Samahan ng Inang Wika iti amin a nakipaset ti programa ken ti  balligi   ti  panagselebrarda iti CNCS.



Pangwakas na Talumpati ti inted ni Ms. Liezel C. Sol, School Filipino Coordinator. Nagpaay nga emcee da Jayvee Gandil ken Jessa Marie Purisima. # (Web In-Action)


No comments:

Post a Comment