Cabugao, Ilocos Sur (Agosto 9, 2012) – Gimmatang ti Munisipio iti baro a generator (Robin Brand) a mausar iti Shredding Machine a mangputed kadagiti biodegradable a basura nga itrabaho ti opisina ti DA-LGU iti panagaramidda ti dekalidad nga organiko a ganagan a mapataud iti pannakaipakat ti Solid Waste Management iti Munisipalidad.Daytoy a makinaria ket aywanan da Mr. Edgar S. Balangatan, MENRO-Designate ken Mr. Obas Bill Y. Baclig, Organic Farming Coordinator, agpada a Teknisian. Mausar pay daytoy iti Vermicomposting (panagpataud ti organic fertilizer babaen iti panangkaan ti alinta iti basura) a kanaig nga aktibidad iti pannakaipatungpal ti Ecological Solid Waste Management Program ti Munisipio.
Daytoy a gannuat ket alternatibo a wagas iti panangkessay ti bulto ti basura tapno mapagbalin a ganagan iti mula a pakairanudan dagiti mannalon . # (Web In-Action)
No comments:
Post a Comment