Cabugao, Ilocos Sur – Maikkan ti baro a pagkalap dagiti asosasion iti Brgy. Daclapan nga idauluan ni Mr. Ramon Frando, Federated Fishermen Association President. Naiyawat ti tseke a maigatang iti motorized banca ken payao nga aggatad ti nasurok a tallogasut a ribu a pisos manipud iti Department of Labor and Employment (DOLE), Vigan City ken iti LGU Cabugao nga idauluan ni Mayor Edgardo S. Cobangbang, Jr.
Inyawat dagiti pannakabagi ti DOLE babaen ti panangbayabay ni Mayor Ediboy kadagiti mangngalap ti Brgy. Daclapan iti mismo nga Opisina ti Mayor ita Agosto 16, 2012.
Nakipaset met iti nadakamat a pasamak dagiti mangngalap da ABC President, Rizal Brgy. Captain Teddy U. Soller, Brgy. Captain Inocencio S. Sadac ti Barangay Turod.Buklen dagiti asosasion ti mangngalap ti Barangay Daclapan a maisagutan kadaytoy a proyekto dagiti sumaganad: New Daclapan Fisherman Association-President, Ramon Frando; Namnama Fisherman Association-President, Wilfredo Agutos; Daclapan-Rang-ay Fisherman Association-President, Victorino Rabor; ken Gin-awa Fisherman Association-President, Dexter Somejo.
Ti Gobierno Munisipal ket agtultuloy a tumartarabay ken mangited ti tulong kadagiti mangngalap tapno maingatoda ti masapulanda ken masursuroda ti mangtarawidiwid ti sektor-da. # (Web In-Action)
No comments:
Post a Comment