Cabugao, Ilocos Sur – Nagmiting dagiti opisiales ken miembros ti Brgy. Bonifacio Farmers Association nga idauluan ni Mr. Roger S. Siruno. Trinatarda ti pananggun-odda ti kalikagumda a “Financial Assistance” iti LGU nga aggatad ti P20,000.Indauluan ni Brgy. Captain Valentin S. Tuyor, Jr. dagiti kabarangayanna a nagtataripnong tapno pagnanaminganda ti pananggun-odda kadagiti proyekto ken agtultuloy a programa a mangidur-as ti kasasaad dagiti mannalon iti masakupanda.
Iti sabali a bangir, iti pannakiuman ti Web In-Action ken ni Kapitan Tuyor, nadakamatna ti panangkiddawna ti panagtitinnulong ti amin a sektor ti barangay a makikaysa iti maisayangkat a Final Evaluation iti nominasion ni BNS Macrina Saturno para iti Most Outstanding BNS, National Category inton Agosto 23, 2012.
Kalikaguman ni Kapitan Jun nga agkakammayet dagiti lumugar inton agpasiar dagiti evaluators tapno matun-oyan ti kalikaguman a balligi a dayaw ti sapasap nga umili ti Cabugao.
Dagiti opisiales ti asosasion ti mannalon ti Brgy. Bonifacio ket isuda: Roger S. Siruno, Presidente; Manoling Serrano, Vice President; Mary Grace Gazmen, Secretary; Elsa Santella, Treasurer; Benjie Somera, PIO, Kagawad Percival Somera, Auditor. # (Web In-Action)
No comments:
Post a Comment