Cabugao, Ilocos Sur – Naangay ti 1st Tuesday Meeting dagiti Opisiales ken Kameng ti Cabugao Federated Senior Citizen iti Hunio 7, 2015 ket tinamingda manen iti pagsayaatan dagiti nataengan iti Hulio 2015. Naaramid ti mitingda iti Senior Citizens’ Center, Brgy. Rizal, Cabugao, Ilocos Sur.
Impakaammo ni Mr. Bonifacio Somera, Presidente a nagatendar dagiti Staff ti MSWDO nga idauluan ni Mrs. Lydia S. Gazmen, MSWD Officer tapno makipagtamingda kadagiti kangrunaan nga agenda a napanda trinatar.
Nakitinnarabay met ni Mr. Remigio Sunico, OSCA Head iti nasao a miting.
Kalpasan ti pannakakanta ti Philippine National Anthem, naisaruno ti Roll Call, President Report, Treasurer Report ken dadduma pay a pakaseknanda.
Nataming pay ti Death Aid ni Ms. Estrella Soto ti Brgy. Turod ken ti igannuatda a Prayer Service inton aldaw ti Huwebes, July 9, 2015 iti 2:00 P.M.
Kalpasan ti panagsarita ni MSWD Officer Mrs. Lydia S. Gazmen a nagkablaawanna iti amin, impakaammona iti pannakaited ti Member Data Registration (MDR) dagiti Senior Citizen ditoy Cabugao.
Nagsarita met ni Ms. Veronica Agcanas, COMELEC Officer ti Cabugao tapno ipakaammona ti pagdurdur-asan ti rehistrasion ti botantes partikular iti benneg dagiti Senior Citizen.
Kalpasan ti pannakabigbig dagiti nagkasangay a Senior Citizen ita a bulan ti Hulio nga isuda Ms. Aurea Calaranan, Leona Siababa ken ni Marina Busto, nagturong dagiti nataengan iti Opisina ni Mayor Edgardo “Ediboy” S. Cobangbang, Jr. iti Munisipio tapno maaramid ti Ceremonial Awarding iti pannakaited dagiti Philhealth MDR kadagiti Senior Citizen ti ili a Cabugao.
Binayabay dagiti kameng ti Konseho Munisipal ti ili nga idauluan ni Vice Mayor DJ Savellano; SBM Dr. Jemaima S. Tan-Yee; SBM Benedicto M. Savellano; SBM Vicky S. Serna; SBM Josefina S. Vallejo; SBM Atty. Bryan Jett S. Pano ken ni ABC President Thaddeus “Teddy” U. Soller ni Mayor Ediboy iti pannakaiyallawat dagiti papeles ti MDR kadagiti nataengan.
Nakikaysa met da MSWD Officer Mrs. Lydia S. Gazmen; OSCA Head Mr. Remigio Sunico ken ni Federated President Bonifacio Somera iti nadakamat a ceremonial awarding. # (Web In-Action)
Impakaammo ni Mr. Bonifacio Somera, Presidente a nagatendar dagiti Staff ti MSWDO nga idauluan ni Mrs. Lydia S. Gazmen, MSWD Officer tapno makipagtamingda kadagiti kangrunaan nga agenda a napanda trinatar.
Nakitinnarabay met ni Mr. Remigio Sunico, OSCA Head iti nasao a miting.
Kalpasan ti pannakakanta ti Philippine National Anthem, naisaruno ti Roll Call, President Report, Treasurer Report ken dadduma pay a pakaseknanda.
Nataming pay ti Death Aid ni Ms. Estrella Soto ti Brgy. Turod ken ti igannuatda a Prayer Service inton aldaw ti Huwebes, July 9, 2015 iti 2:00 P.M.
Kalpasan ti panagsarita ni MSWD Officer Mrs. Lydia S. Gazmen a nagkablaawanna iti amin, impakaammona iti pannakaited ti Member Data Registration (MDR) dagiti Senior Citizen ditoy Cabugao.
Nagsarita met ni Ms. Veronica Agcanas, COMELEC Officer ti Cabugao tapno ipakaammona ti pagdurdur-asan ti rehistrasion ti botantes partikular iti benneg dagiti Senior Citizen.
Kalpasan ti pannakabigbig dagiti nagkasangay a Senior Citizen ita a bulan ti Hulio nga isuda Ms. Aurea Calaranan, Leona Siababa ken ni Marina Busto, nagturong dagiti nataengan iti Opisina ni Mayor Edgardo “Ediboy” S. Cobangbang, Jr. iti Munisipio tapno maaramid ti Ceremonial Awarding iti pannakaited dagiti Philhealth MDR kadagiti Senior Citizen ti ili a Cabugao.
Binayabay dagiti kameng ti Konseho Munisipal ti ili nga idauluan ni Vice Mayor DJ Savellano; SBM Dr. Jemaima S. Tan-Yee; SBM Benedicto M. Savellano; SBM Vicky S. Serna; SBM Josefina S. Vallejo; SBM Atty. Bryan Jett S. Pano ken ni ABC President Thaddeus “Teddy” U. Soller ni Mayor Ediboy iti pannakaiyallawat dagiti papeles ti MDR kadagiti nataengan.
Nakikaysa met da MSWD Officer Mrs. Lydia S. Gazmen; OSCA Head Mr. Remigio Sunico ken ni Federated President Bonifacio Somera iti nadakamat a ceremonial awarding. # (Web In-Action)
No comments:
Post a Comment