Cabugao, Ilocos Sur – Naballigi manen a nagleppas ti nayeskediul a 5-Day Training dagiti Barangay Nutrition Scholars (BNS), Barangay Health Worker’s (BHW’s) ken Parent-Leaders (PL’s) (BNS) ken Committee Chairman on Nutrition ti Konseho ti Barangay iti Munisipalidad ti Cabugao a nangrugi idi Hulio 20, 2015 agingga iti Hulio 24, 2015 iti Municipal Conference Building, Cabugao, Ilocos Sur.Napauluan ti seminar iti “Training of Trainers on the Promotion of Good Nutrition”.
Kangrunaan a nayadal kadagiti nadakamat a pannakaramay ti Munisipio iti Nutrision dagiti module a mangpapintas/mangpasayaat ti serbisio dagiti BNS, BHW’s ken dagiti Parent-Leaders (PL’s) kadagiti klienteda iti barangay nangruna kadagiti inna ken ubbing.
Segun ken ni Mrs. Joenah G. Sevilleja, MNAO-Cabugao, lima a barangay ti maudi (last batch) nga agdalan iti kastoy a panagsanay ket dagiti agdama a nagpartisipar iti training ket dagiti naggapu iti Brgy. Sisim, Bonifacio, Cuancabal, Carusipan, Bungro ken nairaman ti tallo a barangay ti ili a San Juan a kas iti Brgys. Pandayan, Immayos Sur, Asilang ken tallo a Midwives-da.
Iti pakauna nga aldaw ti panagsanay ket timmabuno da Mayor Edgardo “Ediboy” S. Cobangbang, Jr. ken ni SBM Atty. Bryan Jett S. Pano, Committee Chair on Social Services iti nasao a panagsanay. Kimmablaaw ken nagyaman ti Ama ti Ili ta maipakpakita latta iti napintas a panangsurot dagiti kailianna iti programa ti Nutrision banag a pakaay-aywan met latta iti Regional Office ti DOH a mangted ti proyekto a maited ditoy Cabugao. Innayon ti Municipal Chief Executive iti agtultuloy a suporta ti Gobierno Munisipal kadakuada nga agipatpatungpal ti programa ti Nutrision ditoy nga ili.
Innayon ni Mrs. Sevilleja a maikkanda met iti “Sertipiko ti Panagleppas” a pakakitaan iti lima nga aldaw a panagsanay-da nga aggapu iti Department of Health (DOH) ken iti National Nutrition Council, Region 1. # (Web In-Action)
No comments:
Post a Comment