Cabugao, Ilocos Sur - Naipatungpal ti Ryan Hybrid Rice Assistance Program a paset ti programa ti Kapitolio Probinsial iti LGU-Cabugao ita a Wet Season 2015 (Hunio-Nobiembre).
Segun ken ni Acting Municipal Agriculturist Robert S. Savella ket adda 10,640 Packs @ 1 kilo (Hybrid) a bilang ti inwaras ti DA-LGU Cabugao kadagiti agkasapulan ti bukel nga ibunubonda ita a panagtalon iti umabot ti 665 ektaria a nayalokar a matalon.
Innayon ni Mr. Savella a ti bukel nga intuyang ti programa ket iti HR 182 a naited iti tunggal ID Card Holder Farmer nga umabot ti 4,400 ti bilangda ditoy nga ili.
Daytoy a programa ket paset ti panagkammayet ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken iti Gobierno Probinsial nga idauluan ni Governor Ryan Luis V. Singson tapno mainayon a tulong kadagiti mannalon iti sector-da iti Agrikultura. # (Web In-Action)
No comments:
Post a Comment