Cabugao, Ilocos Sur – Segun iti Municipal Rice Program Coordinator ti DA-LGU Cabugao nga ikagumaananda nga ammuen ti pagdurdur-asan iti mapamulaan ita a Wet Season 2015 (Hunio-Nobiembre) kadagiti sumaganad nga inaldaw nga aktibidad:
1.Panagbisitana (as per schedule) kadagiti naestablisar a Techno-Demo Farm agraman iti pakaipatungpalan iti Gov. Ryan Rice Program 2015 a disso ti pagtatalonan ditoy Cabugao.
2.Pannakapatibker ti gimong dagiti mannalon babaen iti pannakadengngeg kadagiti pakaseknanda iti maangay a miting ken aktual a panagbisitada kadagiti pagtatalonanda.
3.Agtultuloy a pannakikammayet ti DA-LGU kadagiti maseknan a line-agencies a mangprobitsar kadagiti serbisioda tapno masungbatan iti pagkasapulan dagiti mannalon.
Innayon ti Rice Program Coordinator a babaen iti agtultuloy a panangtarabay ti DA-LGU Cabugao kadagiti mannalon, manamnama a mamantener iti kalawa ti mamulaan ita a maikompara idi napan a tawen babaen iti inisiatibada a mangusar iti makaanay a suplay a padanum iti panagtan-ay dagiti naimulada. # (Web Situational Report)
No comments:
Post a Comment