NAPARPARTAK itan ti panagbayad iti premium iti Philippine Health Insurance Corporation wenno Philhealth, segun ken ni Mr. Francis Canosa, Provincial Manager ti Philhealth ¬Ilocos Sur. Kinuna ni Canosa a malaksid iti banko ken opisinada, addan dagiti natudingan a kompania ken ahensia nga umawat kadagiti binulan a premium a bayadan iti Philhealth.
“Mabalinen ti miembro ti agbayad iti Postal Office, Western Union ken uray iti establisimiento a kas iti Savemore,” kinuna pay ni Canosa. Inlawlawagna a nupay mabalin dagiti miembro ti agbayad iti opisinada, mabalinen dagiti natudingan nga opisina ken banko nga agawat iti pagbayad dagiti miembro iti premiumda. – Adapted, TAWIDNEWS
No comments:
Post a Comment