Cabugao, Ilocos Sur – Segun ken ni MENRO-Designate Edgar S. Balangatan, AT, adda 500 a seedlings nga impaay ti Kapitolio Probinsial iti LGU-Cabugao itay nabiit.
Dagitoy a Seedlings ket pangsustener ti programa iti Reforestation iti Munisipalidad.
Naipan dagitoy a Seedlings iti Municipal Plant and Nursery Annex, Barangay Baclig, Cabugao, Ilocos Sur para iti pannakaasikasona a masibogan ken mapatan-ay a pangiyur-urayan iti pannakaimulada.
Dagitoy a seedlings ket buklen ti Acacia, Bittaog, Logo ken Butchina.
Kinuna ni MENRO Balangatan a maimula dagitoy iti igid ti Cabugao River a panglapped ti reggaay ken pagpapintas ti aglawlaw tapno agbalin nga eco-tourism site.
Nakikaysa ti Environment and Natural Resources and Management Office (ENRMO) iti pannakaited dagitoy a seedlings.# (Web In-Action)
No comments:
Post a Comment