Cabugao, Ilocos Sur – Naangay ti Meeting ti Federated Day Care Workers (DCW’s) nga idauluan ni Mr. Rudy A. Ilar, Federated President ti ili a Cabugao, Ilocos Sur idi Hunio 30, 2015 iti Municipal Conference Building, Cabugao, Ilocos Sur.
Nakipaset ni ni Mrs. Lydia S. Gazmen, Municipal Social Welfare Officer ti MSWDO-Cabugao ken ni Federated President Mr. Rudy A. Ilar. Segun ken ni Mrs. Gazmen, maisagsagana ti Supplemental Feeding Program Cabugao para iti innem a bulan a pannakaipatungpal ti proyekto a manamnama a marugian iti bulan ti Agosto 2015.
Natratar pay dagiti dadduma a pakaseknan dagiti Day Care Workers (DCW’s) tapno naannayas ti panangtarawidwidda kadagiti ubbing ken pannakidanggayda iti komunidad a pagserbianda.
Nataming pay ti panggep a pannakairehistro dagiti DCW’s iti PAG-IBIG a mangipapaay iti benepisio iti hanay ti panagserbisio dagiti empleado.
Dagitoy a gannuat ket resulta ti panagkammayet dagiti Opisiales ti LGU-Cabugao nga idauluan ni Mayor Edgardo “Ediboy” S. Cobangbang, Jr., iti DSWD Regional Field Office 1, Day Care Workers (DCW’s) ken dagiti nagannak tapno maited iti agtultuloy a napintas a tarabay kadagiti agtan-ay nga ubbing ket mahulma-da a mapangnamnamaan ken na-responsable nga umili. # (Web In-Action)
No comments:
Post a Comment