Cabugao, Ilocos Sur – Naangay ti General Assembly Meeting dagiti Opisiales ken Kameng ti Federated Homeroom Parent-Teacher Association (HRPTA) iti Cabugao South Central School nga idauluan ni Mr. Walberto Torres, FPTA President idi Hulio 12, 2015 iti Social Hall ti nasao a pageskuelaan.
Immuna a nagsarita ni Mrs. Sajonia ket imbinsana dagiti mataming iti nasao nga assembly. Nagyaman kadagiti amin a timmaripnong a nagannak ken guardians.
Pinagsapata ti Prinsipal dagiti baro nga opisiales ti FPTA nga idauluan ni Mr. Walberto Torres. Kalpasanna, nagsarita ti Presidente ket kimmab laaw iti amin a naitaripnong. Pinagyamananna ti talek kenkuana iti panagsublina a mangidaulo ti PTA ditoy South.
Pinadayawan met ni Mrs. Sajonia ti gapuanan iti eskuela ni Pasado a Presidente Percival Somera.
Naisaganad ti pannakaawag ti tunggal mangisursuro ken dagiti nagannak a kakaduada. Naiyam-ammo pay dagiti kabarbaro a mangisuro iti nasao a pagadalan.
Naaramid ti Physical Reporting ti tunggal Teacher.
Nagsarita met ni Brgy. Captain Valentin S. Tuyor, Jr. Pinagyamananna iti pannakaawisna ket imbatadna ti itutulong ti barangay iti pakaseknan ti pageskuelaan. # (Web In-Action)
No comments:
Post a Comment