Cabugao, Ilocos Sur - Naipatungpal ti “Plant Now Pay Later” (PNPL) a paset ti programa ti DA-RFO 1 - INREC iti LGU-Cabugao ita a Wet Season 2015 (Hunio-Nobiembre).
Segun ken ni Acting Municipal Agriculturist Robert S. Savella ket adda 1,005 Packs @ 1 kilo (Hybrid) a bilang ti inwaras ti DA-LGU Cabugao a maipabulod kadagiti agkasapulan ti bukel nga ibunubonda ita a panagtalon.
Innayon ni Mr. Savella a dagiti nagan dagitoy a bukel nga intuyang ti programa ti PNPL iti DA-INREC ket dagiti sumaganad: SL 8; TEJ; Frontline Gold, NK 5017 ket sag-27 Packs ti naited iti tunggal Asosasion.
Dagitoy a bukel ket impaay ti DA a subsidy a para kadagiti mannalon ngem agbalin a kukua dagiti Asosasion ti mapaglakuan a kas pundoda kalpasanna.
Naited dagitoy a bin-i iti Opisina ti DA-LGU Cabugao ket kuna ni Mr. Savella a naibunong kadagiti nagkasapulan a 35 a Farmer’s Association (FA’s) a buklen ti 4,400 ID Holder Farmers, segun pay ken ni Acting MA Savella.
Dagitoy a programa ket paset ti nailungalong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti Ahensia ti DA tapno mainayon a tulong kadagiti mannalon/Asosasion iti hanay-da. # (Web In-Action)
No comments:
Post a Comment