Cabugao, Ilocos Sur – Malaksid iti inaldaw a panagagas dagiti Medical Personnel (Doktor, Nurse, Midwives, Dentist ken RN-Heals) iti Rural Health Unit-Cabugao ket maar-aramid met ti panagtignay ti sanga ti serbisio kadagiti 33 a barangay ti ili a Cabugao, Ilocos Sur.
Iti biang met ti Community Health Team (CHT) iti Barangay, maited met ti Honorariumda iti kada tallo a bulan, segun ken ni Ms. Beverly Ramos, pannakabagi ti Provincial Health Office. Aramiden dagiti pannakabagi ti Team iti nagapuananda ket mapagkaykaysa ti reportda a maited iti RHU-Cabugao para iti pannakainayon ken pakaammuan ti Municipal Health Office (MHO-Cabugao) nga idauluan ni Dr. Bernardino P. De Gracia III, Municipal Health Officer iti kasasaad dagiti kakaduada nga agtartarabaho iti benneg ti salun-at kadagiti barangay.
Innayon ni Dr. De Gracia a zero-incidence ita ti Dengue iti opisinada ken naalay-ayan ti pasiente nga um-umay iti RHU nga agpa-check up ta nasursuruanen dagiti kaaduan nga umili a mangtagiben iti salun-atda.
Dagitoy nga aksion ken inisiatiba ket nagubuay babaen iti napintas a koordinasion dagiti maseknan nga Opisina iti salinong ti LGU-Cabugao nga idauluan ni Mayor Edgardo ”Ediboy” S. Cobangbang, Jr. para iti agtultuloy a pannakaidur-as ti salun-at dagiti umili ti Cabugao, Ilocos Sur. # (Web In-Action)
No comments:
Post a Comment