Cabugao, Ilocos Sur – Nailunsad manen ti Supplemental Feeding Program kadagiti ubbing nga imatmatonan dagiti Day Care Workers (DCWs) kadagiti barangay ti Munisipalidad ti Cabugao mangrugi iti Agosto 2015.
Iti Hulio 30, 2015, miniting ni MSWD Officer Mrs. Lydia S. Gazmen dagiti Day Care Workers (DCW’s) tapno makonsultada maipapan iti pannakailunsad ti nasao a programa ti MSWD. Iti pannakiuman ti Web In-Action ken ni MSWD Officer Mrs. Lydia S. Gazmen, tinawen a maar-aramid daytoy a programa a para kadagiti ubbing ket inaldaw a maikkanda ti suplementar a pagtaraon babaen ti panangisagana dagiti Day Care Workers (DCWs) kadagiti maluto a maipasango.
Kabayatanna, dinayaw ni Dr. Bernardino P. De Gracia, Medical Officer III ti Municipal Health Office (MHO) dagitoy a gannuat ti MSWDO ken dagiti Barangay Day Care Workers a katulongan iti pannakatagiben ti salun-at iti barangay tapno mapapigsa ti resistansia dagitoy nga ubbing kadagiti tumaud a saksakit a patauden ti panagbalbaliw ti klima. # (Web In-Action)
No comments:
Post a Comment