Cabugao, Ilocos Sur – Iti pannaki-amad ti Web in-Action iti Hulio 1, 2015, imbatad ni Mr. Robert S. Savella, Acting Municipal Agriculturist nga agisaganada manen iti polyethylene bag a makargaan ti taep ken daga a pagiyakaranda iti napatuboda a bukel tapno manayonan latta ti kaadu ti seedlings.
Kabayatanna, nasimpa metten ti extension area ti Vermicompost Bin iti uneg ti Nursery tapno nawaya a makapaggaraw dagiti agtrabaho ditoy a disso. Kasta met iti ground basement ti kubo a pagtrabahuan dagiti agiselselopin ti maimula a bukel.
Dagitoy nga inisiatiba ket ilungalong da Mr. Obas Bill Y. Baclig ken ni Mr. Nathaniel Galamgam, AT, Designated Organic Focal Person iti panagtrabaho iti nasao a working area.
Manamnama a maala dagiti mabalin nga imula a seedlings ita a bulan ti Hulio 2015 maigapu iti panagkasapulan dagiti barangay ken eskuela a pakaseknan pay iti aktibidades ti Nutrition Month.
Dagitoy nga aksion ken inisiatiba ket gubuay ti napintek a programa ti Re-greening Program ti LGU-Cabugao nga idauluan ni Mayor Edgardo “Ediboy” S. Cobangbang, Jr. kas pangkomplementar met iti Re-Greening Program ti Gobierno Nasional ken pangtulong iti pakaseknan ti panangpaberde ti aglawlaw iti Munisipalidad. # (Web In-Action)
No comments:
Post a Comment