NUTRITION MONTH 2015, NAGSELEBRAR TI DUA A DADAKKEL A PAGESKUELAAN

Cabugao, Ilocos Sur – Nagsaruno iti pannakaselebrar ti Nutrition Month 2015 iti dua a dadakkel a pageskuelaan ti Cabugao DepED District idi Hulio 24, 2015. Naangay ti panagselebrar ti Cabugao South Central School   iti Social Hall  ti  pageskuelaan idinto ta iti Cabugao Cultural and Sports Complex ti nakaangayan ti panagselebrar ti Cabugao North Central School. Nagselebrarda babaen iti Tema: “Timbang iwasto sa tamang nutrisyon at ehersisyo!”  !”.

Imbatad ni Mrs. Melvi S. Sajonia, Principal II ti Cabugao South CS a rebbengna  a maammuan iti kaaduan   nga importante iti agtultuloy a panangisagana kadagiti ubbing a mangapresiar iti pintas ti nutrision  tapno sumayaat ti panagadalda ken maammuanda iti naregget a programa ti DepED ken LGU-Cabugao maipapan iti Nutrision tapno makapataud latta dagiti pageskuelaan iti nasirib nga agbasbasa. 

Simmaruno dagiti  Contested Activities a kas iti Nutri-Quiz ken  Cooking Contest.   Naipresenta dagiti Judges iti tunggal kategoria. Naisaganad ti  Orientation  babaen iti panangited ni Ms. Anabelle R. Ancheta, School Nutrition Coordinator. Kalpasanna, naaramid ti Contest Proper. 

Kamalmanna, naaramid ti “SPED Fun Day”  ket naaramid dagiti “Children with Special Needs” Activities a nangkulminar iti nasao nga aktibidad.

Naipakaammo dagiti nagabak nga ubbing  ket naited dagiti Medalia ken Certificates a kanayon ti inabakda.

Iti Closing Remarks, nagyaman ti School Nutrition Coordinator iti naan-anay a suporta dagiti Sponsors, Guest, Parents-Guardians ken gagayyem iti pageskuelaan iti naballigi a pannakaselebrar ti Nutrition Month ita a Tawen 2015. 

Iti sabali a bangir, nagselebrar met ti Cabugao North Central School iti Nutrition Month 2015 iti kamalman dayta a petsa. Naaramid met dagiti contested activities a nagpartisiparan dagiti agad-adal. Naballigi ti resulta iti naangay a panagselebrarda babaen iti panangidaulo ni Mrs. Estrellita M. Siruno, Principal II iti nasao a pagadalan.   # (Web In-Action)