Cabugao, Ilocos Sur – Nagatendar dagiti pannakabagi ti Municipal Disaster Risk Reduction Management Council (MDRRMC) ken WASAR iti LGU-Cabugao nga indauluan ni MDRRMC Officer Engr. Nestor B. Somera iti maaramid a Caravan para iti daytoy a pannakairubuat ti pannakaobserbar iti umuna nga aldaw ti bulan ti Hulio 2015 iti Provincial Capitol, Vigan City iti Hulio 1, 2015.
Ti Disaster Consciousness Month nga addaan ti Tema: “Makialam, Makiisa sa Pagsugpo sa Panganib, May Maitutulong ka” ket mapagkaykaysaan a russuat dagiti maseknan nga Ahensia/Opisina a mangtignay/mangkita iti pakaseknan ti seguridad ken pagsayaatan dagiti umili iti sangapagilian ket nabukel daytoy a linteg babaen iti Executive Order No. 137.
Kangrunaan a pakaseknan daytoy a linteg iti panamagsagana kadagiti umili no dumteng dagiti kalamidad a kas iti bagyo, layus, ginggined, tornado, landslide, volcanic eruption, tsunamis ken tikag a kaaduan a dumteng iti bulan ti Hulio.
Maselebraran ti pannakailunsad dagiti aktibidad kadagiti nagduduma a sanga ti Gobierno agraman iti LGU’s. # (Web In-Action)
No comments:
Post a Comment